|
Dathliadau 250 mlynedd Coleg Trefeca
Dros benwythnos y Pentecost, 17 - 19 Mai, buom
yn dathlu 250 mlynedd ers gosod carreg sylfaen y
prif adeilad a sefydlu cymuned Gristnogol 'Teulu
Trefeca' gan Howell Harris.
Perfformiodd plant Blwyddyn 5 Ysgol Talgarth ac Ysgol y Bannau,
Aberhonddu, sioe gerdd ddwyieithog, wedi'i
hysgrifennu yn bwrpasol gan Aled Lewis Evans ac
wedi'i chyfarwyddo a'i chynhyrchu gan Siân
Drinan a Stevie Atkins. Llenwyd y babell yn y
gerddi gan gynulleidfaoedd o ryw 230 ar nos
Wener a 200 ar nos Sadwrn.
Cadwodd y glaw draw ar brynhawn Sadwrn ar gyfer y diwrnod agored,
gyda chwmni dawnsio gwerin Pont-y-pwl yn dawnsio
ac yn annog eraill i roi cynnig arni! Cynigiwyd
teithiau ar gefn merlyn ar gyfer plant, cyfle i
wneud crochenwaith a'i pheintio, cyfle i wylio
arddangosfa nyddu a gwaith tapestri, i weld
Amgueddfa Howell Harris ar ei newydd wedd ac i
ymuno â theithiau tywys o amgylch yr adeilad.
Ar ddydd Sul cynhaliwyd oedfa dathlu oedd yn cynnwys cyflwyno
eitemau symbolaidd i'w rhoi mewn capsiwl amser,
a gladdwyd wrth y groes o flaen y Coleg ar
ddiwedd yr oedfa.
Aelodau rhwydwaith
Teulu Trefeca
fu ynghlwm wrth waith paratoi a threfnu'r
dathliadau hyn. Yr oedd yn gyfle i'r Teulu
dathlu ei wreiddiau hanesyddol. Yr oedd hefyd yn
arwydd gweladwy o buer a llawenydd cymuned
Gristnogol heddiw.
Am adroddiadau pellach ynglwn â dathliadau 250 mlynedd, ymwelwch
â
www.madley.org/trefeca |
